ബിന്ദു പ്രതാപ്
ഓർമ്മിപ്പിക്കുവാനോടി
വരുന്ന അനേകം തിരമാല ചിത്രങ്ങളിലേക്ക്
നിന്നെയെനിക്ക്
കുടഞ്ഞിടാനാവില്ല
സ്വപ്നം പറഞ്ഞു തീരാത്തമിഴികളാൽ
നേർത്ത തിരകളിൽ
നീ അകന്നു പോയെന്നാലും
എനിക്കറിയാം
ഒരു പുഞ്ചിരി കാത്തുവെച്ച്
ദൂരെയേതോ തീരത്ത്
നീയെന്നെ കാത്തിരിക്കുകയാവാം
തഴുകിതലോടി
പിൻ വാങ്ങുന്ന ഈ
നേർത്ത തിരകളിലൂടെ
നിന്നിലേക്കുള്ള ദൂരം
ഞാനെപ്പഴേ
തൊട്ടറിഞ്ഞിരുന്നു…